Eins og flestum er eflaust kunnugt er 11. nóvember orðinn einkar vinsæll útsölu dagur hjá flestum verslunum og viðskiptavinum þeirra. Þessi dagur er oftast kallaður 11.11 hér á landi en er kannski betur þekktur sem Singles Day, eða Dagur Einhleypra.
Þessi dagur á rætur sínar að rekja til Kína en þar var hann upphaflega nefndur Dagur Piparsveina. Lítill hópur háskólanema hóf að fagna þessum degi í kaldhæðni til að mótmæla þeim fjölmörgu hátíðum og hátíðardögum sem haldnir voru til höfuðs pörum eða hjónum – til að mynda Valentínusardeginum. Dagsetningin 11.11 var valin þar sem að tölustafurinn 1 er einfalt prik, sem er vinsælt kínverskt slanguryrði fyrir ógiftan einstakling sem bætir engum „greinum“ á fjölskyldutréð.
Það tók hinsvegar ekki langan tíma fyrir markaðsöflin að grípa þennan dag föstum tökum og fara að bjóða upp á síglæsilegri tilboð og útsölur ár hvert.
Í dag er Singles Day orðinn einn alstærsti söludagur í öllum heiminum, bæði þegar kemur að netverslun og ekki. Þó að dagurinn sé vissulega langstærstur í upphafslandinu Kína hafa vesturheimar fylgt hratt á eftir og bíða Íslendingar spenntir eftir deginum allt árið. Frumkvöðullinn Brynja Dan kynnti Dag Einhleypra fyrir Íslendingum árið 2015, og er hún á bakvið vefinn 1111.is þar sem haldið er utan um öll helstu og stærstu tilboðin á hverju ári.
Húsgagnahöllinn heldur að sjálfsögðu daginn hátíðlegan með ótal tilboðum, og mega viðskiptavinir hennar búast við glæsilegri útsölu.
Þessi vefsíða notast við vafrakökur (e. cookies) til að bæta þjónustu við viðskiptavini okkar og hámarka upplifun í netversluninni okkar. Sumar vafrakökur eru mikilvægar fyrir margvíslegar þjónustuleiðir en aðrar eru notaðar til að safna tölfræðilegum upplýsingar til að bæta vefsíðuna, svo framarlega sem það sé með þínu samþykki.