Broste Nordic Sand

Eins og nafnið gefur til kynna er útlit sand hannað undir áhrifum frá ljósum sandströndum. Undir sandlitnum má sjá glitta í dekkri leir sem kemur í gegn sem örlítil blæbrigði. Stellið er handgert og því hver hlutur sérstakur. Leirinn er „lifandi“ steinleir sem tekur á sig blæbrigði árstímans þar sem ýmislegt getur haft áhrif á umhverfið; svo sem hitastig, loft og vatn (þótt uppskriftin sé alltaf sú sama).

Sand stellið blandast sérlega vel með dökku Broste stellunum en er einnig mjög fallegt eitt og sér.

Eins fallegur og leirinn er þá getur hann verið viðkvæmur. Leirinn er brenndur við vægari hita en t.d. postulín og herðist því ekki í samanburði við það. Því getur brotnað upp úr honum við óeðlilegt og/eða mikið hnjask.

Eitt af því sem gerir þessi stell vinsæl er að hver hlutur í því er sérstakur — engir tveir hlutir eru nákvæmlega eins því leirinn er lifandi og tekur á sig blæbrigði umhverfisins.