Kare Gym Gabby bekkur

Kare Design er skemmtilegt og vandað vörumerki frá Þýskalandi en það var stofnað árið 1981. Það er óhætt að segja að vörurnar frá Kare Design séu skemmtilegar og fangi augað – þær eru oftar en ekki litríkar og svolítið öðruvísi enda er leikgleði ávallt höfð að leiðarljósi.Stofnendur fyrirtækisins Jürgen Reiter og Peter Schönhofen hafa frá upphafi viljað framleiða vönduð húsgögn og muni á viðráðanlegu verði sem lífga upp á híbýli fólks. Þeir segja markmiðið ætíð hafa verið að skera sig úr fjöldanum og skapa frumlegar vörur fyrir fagurkera. Það má með sanni segja að þeim hafi tekist vel til því vörur Kare Design eru allt annað en dauflegar. Kare Design hannar og framleiðir allt frá stórum húsgögnum að ljósum, speglum, mottum, styttum og öðrum skrautmunum. Það sem einkennir vörulínuna er að hönnunin veitir innblástur og kemur gjarnan á óvart.Jürgen og Peter segja litríka persónuleika sem þora að stíga út fyrir boxið starfa hjá Kare Design og að það endurspeglist í hönnuninni. Teymið hefur gaman af því að bregðast við nýjustu stefnum og straumum í hönnunarheiminum og leggja áherslu á að týnast ekki í fjöldanum. Jürgen og Peter eru sammála um mikilvægi þess að fólki líði vel heima hjá sér. Þeir segja heimilið griðastað sem veitir vellíðan og því skiptir máli að það sé fallegt, skemmtilegt og endurspegli persónuleika íbúanna. Þeir benda á að heimilið hafi áhrif á andlega líðan og því sé notalegt og rétt innréttað heimili ómetanlegt. Þetta er ein ástæða þesss að Kare Design hefur einsett sér það að gera fólki kleift að tjá persónuleika sinn inni á heimilinu og skapa sér fallegt og skemmtilegt rými sem veitir vellíðan.