Skovby borðstofuborð 117 olíuborin hnota

Skovby #117 er fágað og vandað borð sem sameinar tímalausa hönnun og hagnýta virkni. Borðið er rétthyrnt með mjúklega ávölum hornum og einkennandi miðlægum fæti sem myndar fallegt jafnvægi milli mjúkra forma.

Borðið er búið einkaleyfisvörðu, samstilltu útdráttarkerfi sem gerir stækkun þess einstaklega einfalda. Með því að draga borðplötuna í sundur kemur framlengingarplatan í ljós upp úr fætinum. Með léttri hreyfingu lyftist hún upp og fellur á sinn stað, þannig að auðvelt er að skapa meira pláss þegar gesti ber að garði.

Sérstaða þessa borðs felst einnig í viðarspóninum á borðplötunni. Í samstarfi við hönnuðinn var ákveðið að láta viðarmynstrið liggja eftir endilangri borðplötunni. Þar sem ekki er mögulegt að samræma slíkt mynstur á framlengingarplötunum liggur viðarspónn þeirra þvert yfir borðið, sem skapar fallega og heiðarlega útfærslu á náttúrulegu efni.